Нүүр хуудас / Мэдээ мэдээлэл

  • УЛСЫН НЭГДҮГЭЭР ТӨВ ЭМНЭЛЭГИЙН ЭМЧ НАР “ЯСНЫ ЧӨМӨГ БОЛОН ЦУСНЫ ҮҮДЭЛ ЭС ШИЛЖҮҮЛЭН СУУЛГАХ ХАГАЛГАА”-Г ХИЙХЭЭР БОЛЖЭЭ
    2012-12-27 18:50:00

    Ирж буй 2013 онд Улсын нэгдүгээр төв эмнэлэгийн эмч, мэргэжилтнүүд “Ясны чөмөг болон цусны үүдэл эс шилжүүлэн суулгах хагалгаа”-г эх орондоо хийхээр зорьж байгаа юм байна.  Эрүүл мэндийн салбарын томоохон дэвшил гэж хэлж болохоор энэ хүнд хагалгааг зөвхөн гадаадын улс орнуудад өндөр үнээр хийдэг бол ирэх оноос эхлэн Монгол эмч нар Монгол эх орондоо хийхээр төлөвлөн тусгай баг гаргажээ. Сүүлийн жилүүдэд 20-40 насныхны дунд зонхилон тохиолдож байгаа цусны өвчнийг төгс эмчлэх гол арга нь энэхүү хагалгаа юм байна. Өнөөдрийн байдлаар цусны хорт хавдартай болон цусны бусад өвчнөөр шаналж байгаа хүмүүсийн ихэнх нь гадаадын улс орнуудад очиж, хагалгаа хийлгэх эдийн засгийн боломжгүйн улмаас хөдөлмөрийн чадвараа алдах, тахир дутуу болох бүр цаашлаад амь насаа алдаж байгаа нь эрүүл мэндийн салбарынхны гол тулгамдаж байгаа асуудлын нэг болоод байсан юм.

  • ДОПИН ҮЙЛЧИЛГЭЭНИЙ 8989, 8969 ШИНЭ ДУГААР ХУДАЛДААНД ГАРЛАА
    2012-12-05 17:08:00

    Хуучин оноо үдэж, шинэ оноо угтан авах гэж буй энэ мөчид Юнител Допин үйлчилгээний 8989, 8969-тэй дугаараа худалдаанд гаргалаа.  Сүлжээндээ хязгааргүй, бусад сүлжээнд 35 төгрөгөөр ярих боломжтой энэхүү үйлчилгээ  нь шинэ оны босгон дээр дугаарын сонголтоо өргөжүүлж, хэрэглэгчиддээ бэлэг барьж байна. 8989, 8969-тэй энгийн дугаар нь 20,000 төгрөгөөр худалдаалагдаж байгаа бөгөөд дансандаа 5000 нэгж, 30 хоног болон тусгай бэлэгтэй юм. 

  • 12-Р САРЫН ТУРШ БУЮУ 31 ӨДӨР 31 БЭЛЭГ АВААРАЙ
    2012-11-23 19:48:00

    Шинэ он хаяанд иржээ. Их дэлгүүрийн өмнөх талбайд томоос том сүлд мод, өнгө өнгийн гоёлоо зүүн, улам ч дэгжин, улам ч тод гэрэлтэн сүндэрлэж, үйлчилгээний төвүүд ч нүд гялбам цасан ширхэг, мөнх ногоон гацуураа засжээ. Монголын мэдээлэл холбооны Юнител групп ч хэрэглэгчиддээ зориулан бөөн бөөн бэлгээ задалж, их хотдоо шинэ жилийн уур амьсгалыг бүрдүүлж эхэллээ.

    Хуучин оноо үдэж, шинэ оноо угтан авах, аав, ээж, амраг хайрт, өхөөрдөм бяцхан үрсээ баярлуулж, ирэх цагийг элгэн саднаараа энх тунх угтахыг бэлгэдэх шинэ жилийн баярыг Монголчууд төдийгүй дэлхийн бүх л улс орнууд хүндэтгэн, сарын өмнөөс бэлтгэлээ юугаан базааж эхлэдэг билээ. Энэ уламжлалын дагуу Юнител групп урьдчилсан төлбөрт үйлчилгээний хэрэглэгчиддээ зориулан 10.000 төгрөгийн үнэтэй бэлгийн картаа худалдаанд гаргалаа.

  • ЮНИТЕЛИЙН 15 ДАХЬ БАЙРНЫ ЭЗЭН ТӨРСӨН ӨДРӨӨРӨӨ БАТЛАМЖАА ГАРДАН АВЛАА
    2012-11-22 17:39:00

    Монголын мэдээлэл холбооны Юнител групп “5 байр хөтөлбөр III”-ийн 5 дахь байрны эзэндээ батламжийг нь гардуулан өглөө. Юнителийн 15 дахь буюу хамгийн сүүлийн байрны эзнийг тодруулах шууд нэвтрүүлэгт аз, од нь гийж, орон сууцтай болсон өмнөх байрны эзэд болон ТВ Коктейль хамтлагийнхан бүрэн бүрэлдэхүүнээр хүрэлцэн ирж, отгон байрны эзнийг тодруулснаараа онцлог болсон юм. Иж бүрэн тавилга, цахилгаан хэрэгслээр тохижуулсан шинэ байрны эзнээр 37 настай  Бямбасүрэнгийн Сайнцогт тодоржээ. Одоогийн байдлаар эрхэлсэн тодорхой ажилгүй, ам бүл дөрвүүлээ амьдардаг тэрээр 37 насныхаа төрсөн өдрөөр буюу өчигдөр Юнител группийн хамт олноос байрныхаа батламжийг гардан авлаа. Хорвоод мэндэлсэн баярт өдрөө хэзээ ч мартагдашгүй хамгийн нандин бэлгийг авсандаа ихэд баяртай байсан юм.

  • ШИНЭ ОНДОО “ХИЙМОРИЙН БЭЛГЭДЭЛ”-ЭЭР ХОСЛОЦГООЁ
    2012-11-08 18:08:00

    Наран мандахаас жаргах хүртэлх үйл, үйлдэл бүхнээ нар зөв тойруулан хийж, сайн сайхан бүхнийг даллан дууддаг Монголчууддаа зориулан Юнител групп нар зөв эргэсэн “Хийморийн бэлгэдэл 86” дугаарыг худалдаанд гаргасан. Үнэнч хэрэглэгчдийгээ урамшуулж, утга билэгдлээрээ дугаараа хослон авах боломжийг олгосон онцгой нөхцөл нь зөвхөн Юнителийн 88 дугаартай хэрэглэгчдэд зориулагдаж, тэд өөрийн дугаарынхаа сүүлийн 6 оронг 86 дугаарлалтаас ижилсүүлэн сонгон авсан билээ. Тэгвэл өнөөдрөөс эхлэн Юнителийн 88 дугаараас гадна 89 дугаартай хэрэглэгчид ч  өөрийн дугаарынхаа сүүлийн 6 оронг 86 дугаарлалтаас хослуулан авах боломжтой боллоо. Өөрөөр хэлбэл “Өсөн дэвжихийн бэлгэдэл”-тэй Юнителийн хэрэглэгчид “Хийморийн бэлгэдэл”-тэй төгс хослох онцгой эрх үүсэж байгаа юм.

     
  • ТАВАН ХАНАТАЙ ГЭРЭЭС ТАВИЛГАТАЙ БАЙР РУУ НҮҮХЭЭР БОЛЛОО
    2012-11-01 13:51:00

    Монголын мэдээлэл холбооны Юнител групп “5 байр хөтөлбөр III”-ийн 4 дэх байрны эзэндээ батламжийг нь гардуулан өглөө. Юнителийн 14 дэх байрны эзнээр 45 настай Дэмбэрэлням тодорчээ. Зүүнсалааны эцэст нөхөр, 3 хүүхдийн хамт амьдардаг энэ бүсгүй Юнителийн үнэнч хэрэглэгчдийн нэг бөгөөд аз хайрласан дугаараа 4 жилийн турш барьж байгаа гэнэ. Тэрээр хэлэхдээ “5 байр хөтөлбөр III”-ийн 4 дэх байрны эзнийг тодруулах тохирлыг үзсэн боловч дугаарыг минь зарлахад огтхон ч итгээгүй ээ. Харин орой нь Юнител группийн хамт олон гэрт ирж, албан ёсоор иж бүрэн тавилга, цахилгаан хэрэгслээр тохижуулсан байртай болсныг мэдэгдэхэд л итгэсэн гэж байлаа.

  • ЮНИТЕЛИЙН 14 ДЭХ БАЙРНЫ ЭЗЭН ТОДОРЛОО
    2012-10-30 18:20:00

    Нийгмийн хариуцлагыг хэрэгжүүлэгч Юнител группийн “5 байр хөтөлбөр III”-ийн 4 дэх байрны эзнийг тодруулах шууд нэвтрүүлэг өчигдөр амжилттай болж өнгөрлөө. Шууд нэвтрүүлгийн үйл явцад хяналт тавьж, үнэнч шударга явагдаж байгаа эсэхийг хянахаар МХЕГ-ийн улсын ахлах байцаагч А.Бямбадорж, Яруу найрагч Ц.Хулан, 13 дахь байрны эзэн Б.Бат-амгалан болон Юнител группийн маркетингийн газрын менежер Х.Тогтохбаяр нар хүрэлцэн ирсэн юм. МҮОНТ-ээр 35 минутын хугацаанд шууд нэвтрүүлэг үргэлжилсэн бөгөөд 4 ширхэг ухаалаг гар утасны эзэд болон иж бүрэн тавилгатай, эрүүл цэнгэг агаарт байрлах Viva city-д амьдрах байрны эзнийг тодрууллаа.